Barcelona blen lojtarin brazilian Adriano

Barcelona ka arritur të mbyllë me sukses një tjetër transferim të rëndësishëm për të forcuar edhe më shumë skuadrën e sezonit të ardhshëm.

Katalanasit kanë blerë nga Sevilja brazilianin e krahut të djathtë, Adriano Correia me të cilin firmosën për 4 vjet. Nuk dihet ende sa ka kushtuar kartoni i mbrojtësit të talentuar, por mendohet se ai u shit për 10 milionë euro.

25 vjecari është blerja e parë e presidencës së Sandro Rosell, i cili u zgjodh në këtë detyrë në datën 1 Korrik. Në fillim të merkatos, Barca ka blerë edhe sulmuesin David Villa nga Valencia.

Aksidenti Rreshen-Fush Arrez

FUSHE ARREZ -Tragjedi në aksin rrugor Rrëshen-Fushë Arrëz. Një autobus i linjës Durrës-Fushë Arrëz, ka dalë nga rruga dhe ka rënë në humnerë, 400- 500 metra poshtë duke shkaktuar 14 të vdekur, mes tyre 4 fëmijë dhe 12 të plagosur. Ngjarja e rëndë e cila tronditi gjithë opinionin publik ndodhi rreth orës 17:00, të së dielës 17 korrik 2010 në afërsi të fshatit Dom të rrethit të Pukës.
AKSIDENTI
Policia informoi dje se autobusi me targa PU 1330 A, që drejtohej nga 48-vjeçari Zef Gjergji, ishte duke udhëtuar nga Durrësi për në drejtim të qytetit verior. Mësohet se në afërsi të fshatit Dom të Komunës së Gjegjanit, mjeti ka dalë nga rruga në një kthesë të fortë dhe ka rënë në greminë. Pasagjerët, mes të cilëve edhe gra e fëmijë, kanë përjetuar ferrin. Gazeta Shqiptare shkruan sot duke iu referuar burimeve nga policia lokale pohojnë se disa nga viktimat kanë dalë nga dritaret e autobusit që është rrokullisur, për të përfunduar në ujërat e lumit Fan i Madh.
Menjëherë në vendngjarje kanë mbërritur forca të shumta policore nga Shkodra, Puka dhe Tirana, forcat e RENEA-s, të FNSH-së, repartit të Zjarrfikësve, si dhe autoambulanca. Me urdhër të ministrit të Brendshëm, Lulzim Basha është ngritur një shtab emergjence, ndërsa helikopterë të kësaj ministrie dhe asaj të Shëndetësisë kanë fluturuar me shpejtësi për në vendngjarje për të transportuar të mbijetuarit e tragjedisë. Ndërkohë, policia ishte angazhuar për të mbajtur hapur rrugën nacionale për në veri të vendit. Pas nxjerrjes nga gremina, të plagosurit, mes të cilëve dhe shoferi 48-vjeçar, janë dërguar me helikopter në Spitalin Ushtarak të Tiranës. Disa të plagosur dhe të vdekur u transportuan në spitalin e Pukës ndërsa dy të tjetër në Shkodër.
VIKTIMAT
Policia konfirmoi zyrtarisht se viktimat janë Alma Marku, 33 vjece, Arsen Marku, 8 vjec, Paulin Gjoni, 28 vjec, Mimoza Dyzeni, 29 vjece, Adem Mustafa, 52 vjec, Marte Lleshi, 31 vjece, Marie Prenga, 60 vjeçe, Elona Mustafa, 12 vjeçe, Zef Gjergji (shoferi) 47 vjeç, Fran Paloka, 22 vjeç, Gjovalin Pera, 15 vjeç, Prengë Dyzeni, 38 vjeç, Adela Prenga, 14 vjeç, Lavdie Mustafa, 41 vjeç
TE PLAGOSURIT
Të plagosurit në Spitalin Ushtarak janë Myrsad Mustafa, 48 vjeç, Erikson Peraj, 9 vjeç, Armando Mustafa, 8 vjeç, Pjerin Kola, 43 vjeç, Dona Mustafa, 6 vjeç, Flora Peraj, 38 vjeçe, Sara Pali, 6 vjeçe, Xhesiko Pali, 7 vjeç, Gjon Marku, 40 vjeç, Artiola Prenga, 30 vjeçe. Në spitalin e Shkodrës ndodhen Gentjan Meçi, 19 vjeç, Ilir Prendi, 10 vjeç.
HETIMET
Me gjithë hetimet intensive, ende nuk është përcaktuar shkaku i aksidentit tragjik. GSH shkruan sot duke iu referuar burimeve zyrtare nga Drejtoria e Policisë së Shtetit, deklarojnë se po hetohet në tre pista. Sipas policisë, drejtuesi i mjetit, Zef Gjergji ishte shofer me përvojë (kishte patentë të klasit të parë) dhe e njihte mirë zonën. Nga frenimi i gomave në vendngjarje rezultoi se mjeti nuk ka qenë duke udhëtuar me shpejtësi. Nisur nga ky fakt, dyshohet që gjendja shëndetësore e Gjergjit mund të jetë bërë shkak i aksidentit. Do jetë ekspertiza mjeko-ligjore që do të hedhë dritë mbi këtë gjë. Sipas ekspertëve, nuk përjashtohet as një tërheqje vëmendjeje e shoferit, apo dhe moti i keq (dyshohet se ka pasur një shkrepje vetëtime).
DITE ZIE
Qeveria shpalli ditë zie kombëtare, ditën e sotme, në nderim të viktimave të aksidentit tragjik. "Qeveria ka marrë përsipër të gjitha shpenzimet për familjet që kanë humbur të afërmit e tyre në aksidentin tragjik të ndodhur në Fushë Arrëz". Dita e zisë do të shoqërohet me një minutë heshtje dhe me vendosjen e flamurit kombëtar në gjysmë shtize, në të gjitha institucionet shtetërore.

Bjordi dhe Adela te dashuruar

Historia e dy të rinjve që vijnë nga dy botë krejtësisht të ndryshme por gjetën të përbashkët ndjenjën e dashurisë për njëri tjetrin

Adela dhe Bjordi, një nga çiftet më të famshme në Shqipëri, që errësoi në media edhe fushatën elektorale, konfirmuan lidhjen e tyre duke pranuar se bashkëjetojnë në një apartament luksoz në qendër të Tiranës. Një ndryshim rrënjësor për vajzën kurajoze nga Kavaja dhe djaloshin që vjen nga Italia, që në shtëpinë e Big Brother arritën të gjejnë një dashuri plot mister, sekrete e pasion.

***
Asnjë personazh i zakonshëm i jetës reale shqiptare nuk ka pasur fatin e Adelajdës dhe të Bjordit, që të diskutohen kaq shumë sa ata të dy për një ngjarje që zgjati vetëm 100 ditë. Një lidhje që ndau opinionin publik në dy pjesë, në ata që i përkrahën dhe ata që kundërshtuan çiftin elegant të Big Brother.

Në një nga rrugicat e gjelbëruara të kryeqytetit, në katin e tretë të një pallati prestigjoz jeton çifti më i diskutuar, pëlqyer dhe më i famshëm i vitit, Bjordi dhe Adela. Aty kanë ngritur strehën e tyre të parë të dashurisë, tashmë larg kamerave, por pa mundur t’u shpëtojnë kureshtjes së njerëzve. Kushedi se sa të kënaqur ndihen që tani mund të flasin, të debatojnë, të përqafohen e puthen jo më para kamerave dhe syve të të gjithë shqiptarëve. U duket e pabesueshme që tashmë kanë mundësi ta shijojnë deri në fund njëri- tjetrin.

***
Adela nuk është kthyer në Kavajë, veçse për një vizitë tek prindërit dhe tani bashkëjeton me Bjordin edhe me pëlqimin e familjes së saj. Një ndryshim i madh në jetë edhe pse është shpejt të flasim, por Adelajda e arriti atë çfarë dëshironte. Të paktën si fillim.

Në momentin e hyrjes në shtëpinë e Big Brother kishte deklaruar se donte të ndryshonte jetën e saj. “Dua të ndryshoj jetën time. Nuk dua të jetoj në një shtëpi me mamin, me babin, me vjehrrin dhe vjehrrën… dua të bëj jetën time. Nuk dua të jem më mësuese katundi”, ishin fjalët e saj.